首先祝各位 blog 友新年快樂! 身體健康! 

送走舊年令我生活忙亂特別難捨嘅 2013,  回顧之前發生嘅事, 當然 Yahoo 收檔令大家分別四散, 最令人傷感. 開心嘅事就係開咗三間航空直航線來回香港 - 清邁, 所以舊年差不多每個月都有一, 兩批朋友到訪. 旺季高峰期試過同時有5批朋友來自英國, 香港, 澳門, 曼谷. 有朋自遠方來不亦樂乎, 我就樂過不停陪食陪玩....................結果梗係又肥咗, 考慮需唔需要改名做 xxxl 加大一個碼襯番. 

另外舊年應承做完個 project 就揭曉話俾大家知到底成年咁長忙咗d乜. 其實前年八月睇中一個地盤將建嘅大廈單位. 因為建築商肯俾我改咗原本只係 studio flat 嘅設計, 改成 one bedroom. 當然改圖後水電位亦要修改, 咁依d額外功夫就要我哋自己去跟同配合. 所以當時每個禮拜要去睇進度, 有錯誤亦可以及時更正. 加上原本包括傢俱亦因改動變成唔合用, 我自己亦唔想同其他單位一模一樣,  所以傢俱要自己安排同設計.

當然額外工作唔少, 但我其實好享受有個機會發揮自己嘅嗜好, 由設計改圖至設計訂做傢俬, 少至窗簾毛巾掛架. 自己落手落腳去完成, 其中帶俾我無限快樂. 最開心當然係收成, 有2個人爭住租,  而且租金俾其他單位亦高好多.

講完舊年就要講吓今年, 首先決定暫時唔再寫 blog. 舊有嘅我唔識轉過嚟, 但我已搬咗去 We Share 同點煮網. 所以係依度向曾經支持鼓勵過我嘅 blog友致謝及道別. 我一有空閒一定會去你哋嘅 blog 探望你哋. 或者可用 email 保持聯絡. 


chiangmaixxl@gmail.com

http://weshare.hk/xxl
http://www.dimcook.com/xxlchiangmai/blog 

從新開始


一切從新開始, 或換湯不換藥? 用親切口語化, 或是用一般文章書寫. 

千頭萬緒..........應該如何入手, 年紀老大適應力弱, 加上電腦不是我的強項, 走進新的地方, 請給我一點耐性, 容忍我的慢和錯.

雖然搬家我已習以為常, 而且一直興致勃勃興奮地去設計策劃新居佈置. 搬 blog還是第一次, 之前數次給雅虎氣到不成, 有一次決定大不了停了它. 不想再受那零零碎碎的氣, 當時也沒有想過搬 blog,   因為一來怕麻煩, 二來也沒有那閒情, 最........最重要是不懂怎樣搬它. 

打算十月份停了雅虎那邊, 之後慢慢螞蟻搬家把那裡的舊文先搬過來, 所以今年不會有新 blog文發表, 希望這兩個月可以整理好新窩, 明年一月從新開始.

再這跟各位預約了明年再見!